''दैनिक चरमसुख प्राप्त गर्ने पुरुषमा प्रोस्टेट क्यान्सरको खतरा कम''
दैनिक चरमसुख प्राप्त गर्ने पुरुषमा प्रोस्टेट क्यान्सरको खतरा कम रहने एक अध्ययनले देखाएको छ । उक्त अध्ययनका अनुसार विर्य स्खलन हुने पुरुषहरुमा प्रोस्टेट क्यान्सर हुने खतरा २२ प्रतिशतले कम हुने देखाएको हो ।
यस अध्ययनका लागि ३२ हजार स्वस्थ्य पुरुषहरुमाथि पछिल्ला १८ वर्ष अध्ययन गरिएको थियो । जसमध्ये ३ हजार ८ सय ३९ जनालाई प्रोस्टेट क्यान्सर भएको थियो । तर, महिनाको २१ पटकभन्दा बढी वीर्य स्खलन गर्ने पुरुषमा भने यो खतरा २२ प्रतिशतले कम भएको देखिएको थियो ।
यसमा पुरुषले खाने खाना र दैनिक जीवनले पनि केही प्रभाव पार्ने देखाएको छ ।
पुरुषमा मात्र पाइने प्रोस्टेट ग्लाण्ड उमेरसँगै बढ्दै जान्छ । शुरुमा ओखरको आकारमा हुने यस ग्लाण्ड युरेथाको अघिल्लो भागमा हुन्छ जसले ब्लाडरबाट पिसाब बोक्ने गर्छ ।
उक्त अध्ययनले के कारणले यस्तो हुन्छ भन्ने कुरा नखुलाएपछि यस विषयमा पहिले धेरै अध्ययनहरु भइसकेको छ ।
एक अध्ययनका अनुसार विर्य स्खलन हुँदा प्रोस्टेट क्यान्सरको कारक मानिने केही रसायनहरु शरीरबाट बाहिरिने गर्छ । त्यस्तै अर्को अध्ययनका अनुसार वीर्य स्खलन हुँदा पूरा कोषहरु हट्ने र नयाँ कोष बन्ने हुँदा पूरा कोषहरु क्यान्सरको कोषमा परिणत हुने सम्भावना रहँदैन ।
0 comments
Write Down Your Responses